Pas hetimit te tregu i shërbimeve spitalore, Autoriteti i Konkurrencës do të kontrollojë edhe tregun farmaceutik në vend thotë kryetarja e këtij autoriteti, Juliana Latifi.

Në Shqipëri çmimet e barnave janë të kontrolluara dhe të përcaktuara me vendim qeverie por hapësirat për shfrytëzimin e pozitës dominuese janë të mëdha.

Vendi jonë llogaritet të ketë një treg barnash prej rreth 250 milionë euro në vit, pjesa me e madhe rreth 90% përbëhet nga importet, ndërkohë që mjaft medikamete shiten si eksluzivitet kompanish.

Kjo situatë mund të ketë çuar në dëmtimin e konsumatorëve përmes vendosjes së çmimeve abuzive, gjithsesi mbetet për t’u parë nga rezultati i hetimit. Tregje të tjera që janë vënë në lupën e autoritetet të konkurrencës janë ai bankar dhe arsimi i lartë. Vitin e kaluar Autoriteti i Konkurrencës ka arkëtuar të gjitha gjobat e vendosura, vlera e të cilave shkon në mbi 2 milionë euro.


Flash Lajme